Gaalkacayo (WNT)-Taliska ciidamada Booliiska Puntland ayaa shaaca ka qaaday in weerarkii xalay geystay dhimashada iyo dhaawaca uu ahaa mid laga soo abaabulay dhinaca xaafada koonfureed ee Baraxley ee Maamulka Galmudug.

Taliye xigeenka ciidamada Booliska Puntland Ge: Muxiyadiin Axmed Muuse oo la hadlayay Warbaahinta gudaha  ayaa  si faah faahsan uga waramay weerar xalay ka dhacay xaafada Garsoor, weerarkaasi oo uu  sheegay in laga soo qaaday dhinaca Galmudug ee xaafada Baraxley.

Gen: Muuse ayaa xaqiijiyay in ciidamada Booliiska Puntland oo hawlgal ka waday xaafada Garsoor ay la kulmeen weerarmid dhinac Baraxley kuwaasi oo uu ku tilmaamay dambiilayaal ,waxaana taliyuhu intaasi raaciyey in weerarka ka dib ay dib ugu laabteen halkii horay ay weerarka uga soo qaadeen xaafada Galmudug ee koonfurta Gaalkacyo.

Taliye xigeenka ciidamada Booliska Puntland Gen, Muxiyadiin Axmed Muuse ayaa hadalkiisa ku daray in dadka weerarkii xalay geystay ay ahaayeen kuwa horey dambi uga galay dhinaca Puntland isla markaana fariisin ka dhigtay dhinaca Galmudug ay garanayaan.

 Mar uu faafaahin ka bixiyey ayuu sheegay in ninka raga weerarka soo qaaday hogaaminayey inuu ahaa reer Punt.land laakiin kooxaha la socdaa ay ahaayeen reer Galmudug.

Waxa jira dhibaatooyn badan oo laga soo abaabulo dhinaca Galmudug laguna wax yeeleeyo dadka reer Puntland ilaa iminkana maamulkaasi uusan waxba ka qaban,waxaana taasi dhaxli kartaa rabshado hor leh oo halkaasi ka dhaca.

Xafiiska wararka Waayaha.net