Gaadiidleyda magaalada Baydhabo ayaa waxaa la sheegay inay cabsho weyn ka muujiyeen rag ku labisan dareeska ciidamada oo ka qaraabta wadada isku xirta Muqdisho iyo Baydhabo iyadoona ragaasi ay dhac, dil iyo kufsi ay u geystaan baabuurleyda iyo rakaabka istcmaalo wadadaas.

Gaadiidleydaan oo dhawaantaan ku baanbaxay xarunta maamulka ee magaalada Baydhaba ayaa waxay sheegeen inaysan wadi doonin wax baabuur ah ilaa wax laga qabto ragaas ku labisan dareeska ciidamada oo aan la ogeyn inay yihiin ciidan sax ah iyo in kale, ragaan ayaa waxay kufsi u geystaan haweenkasaaran baaurrtaas aygoo sidoo kale ka furta dadka rakaabka ah waxa ay wataan waxay doonto ha noqotee, ragaan ayaa waxay wadada u galaan gawaaridaas u kala socoto Baydhabo iyo Muqdisho iyagoona caadeystey dhictaanka dadka iyo baabuurtaas.

Ugu dambeyntiina iyadoo ragaas ku labisan ay caadeysteen dhib u geysashada rakaabka iyo baabuurtaas islamarkaana ay kufsadaan haweenka rakaabka ah ayaa mid ka mid ah ragaas ka shaqeeyo baabuurtaaas waxaa uu ku calaacalay inay wax laga xumaado ay tahay in qof dumar ah oo aad lacag ka soo qaadatey oo aad tiri waxaan ku geynayaan Xamar in hortaada lagu kufsado waxay heysatayna laga dhaco, madaxda magaalada Baydhabo ayaa codsi u jeedisay dowlada Soomaliya kaga codsatey inay arintaas wax ka qabato laakiinse sid ay arintaas u suuro gal tahay ayaan la ogeyn.

 Halkaan ka daawo : http://www.youtube.com/watch?v=g2QvhnPf8Lw

Abdirizak M. (Xiireey)

Holland

Abdirizakxiireey@hotmail.com