Dowlada Shiinaha ayaa waxaa la sheegay inay ku xalisay hab cajiib ah ka dib markii uu qoys Shiinees ah ay diideen inay ka guuraan gurigooda oo uu maray dariiq cusub oo laami ah oo laga dhisay bariga dalkaas Shiinaha.

Ninka lagu magacaabo Luo Baogen iyo xaaskiisa ayaa waxaa la sheegay inay ka dhega adeegeen inay ka guuraan guri ay deganaayeen oo uu maray wado laami ah oo cusub si loo jabiyo ka dib markii ay saluugeen lacagta loo siiyey mag dhow ahaan oo ay sheegeen inaysan suuro gal ahayn inay ku dhistaan guri kale oo ay ku noolaadaan xilli ay dhamaan dadkii kale ee ku noolaa dhismahaas ay faarujiyeen halkaas, Laakiin dowlada iyo madaxdii faraha ku heysay dhismaha wadadaas cussub ayaa arintaas aan u jixin jixin iyadoona wadadii loo hirgaliyey si caadi ah islamarkaana aan waxba laga taaban gurigii qoskaas diiday inay ka guuraan halkaas taas oo keentay inuu gurigaas uu hada ku dhex yaal wadadaas bartameeda oo uu dariiqua hareereeyey gurigaas arintaas oo ay dad badan la yaabeen madax adeega qoyskaas.

Ugu dambeyntiina iyadoo markaad aragtid sida ay wadadaas iyo gurigaas ay isugu dhexyaalaan ay noqoneyso arin la yaab leh ayaa ninkaas waxaa uu sheegay in lacagta kaga baxday dhismaha gurigaas iyo inta ay dowladu ugu qoondeysay magdhow ahaan uu u dhexeeya farqi aad iyo aad u weyn, sidaas awgeedna uusan aqbali karin inuu yeelo arintaas, wadadaas laamiga ah oo dhawaantaan faraha laga qaaday oo la dhameystirey oo aysana walina bilaaban isticmaalka baabuurta ayaan la ogeyn sida ay qooyskaas ugu noolaan doonaan halkaas marka la eego guuxa iyo dhawaaqa xad dhaafka ah ee baabuurta isticmaali doonto laamigaas.

Halkaan ka daawo: http://www.youtube.com/watch?v=dJnZbOA-mic

Abdirizak M. (Xiireey)

Holland

Abdirizakxiireey@hotmail.com