Kismaayo(WNT)-Wararka naga soo gaaraya magaalada xeebta ah ee Kismaayo  ayaa sheegaya in  saakey araroortii qarax xooggan ka dhacay guriga degmada ee magaalada Kismaayo.

Inkastoo aan dhab loo ogayn khasaaraha dhacay inta uu leeg yahay hadana waxaa jira dhaawacyo laga soo saaray guriga degmada ee qaraxu ka dhacay, isla amrkaana ay jirto dhimasho.

Markii qaraxu dhacayey waxaa xifiisyada degmada ku sugnaa dad kala geddisan oo isugu jira masuuliyiinta degmada, iyo dad iyana adeeg halkaas u joogay.

Qaraxa ayaa wararka qaarkood sheegayaan in uu ahaa mid uu fuliyey qof nafti hure ah halka warar kale sheegayaan inuu ahaa mid meel fog laga soo hagay.

Magaalada Kismaayo ayaa bishii 9aad  laga saaray ururka Al-shabaab,waxaana gacanta ku haya ciidamada AMISOM iyo kuwa dawlada,waxana ka jiray ammaan.

Xafiiska wararka Waayaha.net