Nairobi,(WNT):-Kooxda Kubada cagta dalka Ingiriiska Manchester United ayaa xalay guul muhiim ah ka gaartay kulan ay garoonkeeda kula cayaartay kooxda kubada cagta ee Marseille.
Kooxaha Manchester United ayaa kooxda Marseille ugu awood sheegatay laba gool iyo gool kadib markii lugtii hore Guriga Marseille ku soo galeen bar bar dhac.
Weeraryahanka reer MexicoJavier Hernandez ayaa xalay ahaa laacibkii Kooxda wareega 8-da u soo saaray. Lugtii 1aad ee 2da kooxood wuxuu ku soo idlaaday 0-0, balse Hernandez ayaa United hogaanka u dhiibay daqiiqadii 5aad.
Marseille goolka ay garoonka ka dhalisay waxey heshay daqiiqadii 83aad waxaana u dhaliyay Wes Brown oo kooxdiisa ka dhaliyay goolkaasi.
Caawa waxaa wada cayaari doona Kooxda Real Madrid iyo waliba Kooxda Lyon ciyaartaas oo ka dhici doonta garoonka Kooxda Real Madrid.
Si kastab Maalinta Jimcaha ayaa la sameyn doonaa sida kooxaha wareega 8-da u soo gudbay isugu aadi doonaan.
Xafiiska Wararka Waayaha.net,Nairobi-kenya.
