Nairobi,(WNT):-Kooxda Kubada cagta ee Inter Milan ayaa xalay xaqiijisay u soo gudbitaanka wareega 8-da ah ee cayaaraha Champions League.

Goran Pandev ayaa gool uu xilli danbe u dhaliyay  kooxda koobka  Champions League difaacaneysa ee Inter Milan wuxuu ticket ugu jaray heerka quarterfinal-ka markii ay 3-2 ku karbaashtay Bayern Munich.

Goolka Pandev oo dhashay daqiiqadii 88aad wuxuu ciyaarta ka dhigay 3-3 isku celcelis ahaan laakiin xagga gool tirsiga ayeey Inter ku soo baxday, maadaama markii hore 1-0 looga soo badiyay.

Samuel Eto’o ayaa Inter u dhaliyay goolka daahfurka ciyaarta u ahaa, laakiin Mario Gomez ayaa iska soo guday goolkaasi daqiiqadii 21aad waxaana 2-1 ka dhigay Thomas Mueller kaasoo Bayern hogaanka u dhiibay daqiiqadii 31aad.

Wesley Sneijder ayaa 2-2 ka dhigay ciyaarta daqiiqadii 63aad iyadoo ciyaarta uu si weyn caawa ugu dhex muuqday Eto’o.

Kooxda Inter Milan oo ah kooxda Haysata Koobka Champions League ayaa guushii xalay ay gaartay waxaa ay u noqanaysaa mid muhiim ah.

Xafiiska Wararka Waayaha.net,Nairobi-Kenya.