Pakistan,(WNT):-Dayuurad rakaab ah oo sidday 152 qof ayaa ku burburtay agagaaraha caasimadda Pakistan, Islamabad, halkaas oo dadkii saarnaa oo dhan ay ku dhinteen. Burburka dayuuradda oo nooceedu ahaa Airbus 321 ayaa ku firirsan keymo buuraley ah.

Dayuuradda waxaa lahaa sharikad wadani ah oo la yiraa AirBlue, waxayna ka duushay magaalada Karachi. Cid shilkaas ka badbaadday ma jirto.

Dad goobjoog ahaa waxay sheegeen inay arkeen dayuuradda oo ku duulaysa joog aad u hooseeya, qayb magaalada ka mid ah oo caadi ahaan ay mamnuuc ka tahay in wax dayuurado ah ay maraan. Waxay sheegeen in hawadu ay aad u xumayd.

Qaar ka mid ah waalidiinta dadka dhintay.

Bur burka diyaarada Air Blue.

Muuqaalka diyaarada Air Blue.

Baarayaasha ayaa eegaya qalabka duuba duullimaadka dayuuradda.

Afhayeen u hadlay dowlada Pakistaan ayaa sheegay in baaris ku hayaan sababihii keenay bur burka diyaaradaasi.

Wasiirka arimaha gudaha Pakistan ayaa sheegay in wali baadi goob loogu jiro sidii loo soo bad baadin lahaa hadii ay jiraan dad ka bad baaday shilkaasi diyaaradeed.

Xafiiska Wararka Waayaha.net,Nairobi-Kenya.