Xilka qaadista xildhibaadan ayaa timi ka dib markii ay xukuumadu ka gudbisay eedayn la xiriirta jabinta qawaaniinta dalka iyo gacan siinta kooxo doonaya kala goynta dalka waa sida eedaynta lagu sheegayee..

Xukuumadda ayaa eeddayntaas u gudbisay xeer-ilalinta guud mudo afar maalin ka hor ah, saaka ayaa iyaduna xeer-ilaalintu  eedayntaas hor keentay kal-fadhigii goloha wakiilada oo uu ka hor aqriyay xeer-ilaaliyaha guud ee puntland Max'ud Xasan Cusmaan iyadoo isla mar ahaantaasna ay  xubno ka mid ah xil-dhibaannadu ku marqaati fureen xil-dhibaannada eedda loo soo jeediyay.

Intaas ka dib ayaa goluhu cod u qaday in xubnaha la eedeeyay xasaanada lagala noqdo iyo in kale,  waxaana u codeeyay in xubnaha la soo eedeeyay  lagala noqdo xasaanadda kala bar xildhibaannadii maanta kulanka fadhiyay oo gaarayay 52 xil-dhibaan,  iyadoo ay arrintaas diideen 22xubnood 4 xubnoodna ay ka aamustay, waxaa intaas ka dib uu guddoomiyaha barlamanka Mdn. Cabdi-Rashiid Max'ed Xirsi uu ku dhawaaqay in xubnaha la soo eedeeyay ay ka baxaan hoolka barlamanka.

Sida uu warbaahinta u sharaxay xeer ilaaliyaha guud ee punt land Maxamuud Xasan Cismaan  waxay sadaxdaa mudane danbi qaran ka galeen Qaranka Puntland, waxayna mudanayaasha maanta xasaanada lagala noqday kala ahaayeen:

1-Ibraahin Maxamad Guure

2- Abshir Cabdi-Casiis Shiikh

3 -Cumar Jamac Saleebaan

Intaas ka dib xil-dhibaanada xilka laga qaaday  ayaa warbaahinta u sheegay in xil ka qaadistooda  aysan aheeyn mid cadaalad ah, waxayna ku tilmameen xil ka qaadistaan lagu sameeyay inay soo abaabuleen dad ay iyaga isku raas yihiin.